欣宜變走胃腩Cup數增
著名化妝品牌嬌蘭（Guerlain）昨晚舉行盛大活動，鄭欣宜亦是嘉賓之一，見欣宜消瘦不少及臉尖尖，擺脫肥妹形象。問到她是否減肥瘦咗？她只說：「多謝晒！」問她面部瘦了是否打Botox？她說：「人哋胸大我都唔會咁問人哋啦！我冇打Botox，只係一瘦就瘦喺面上，可能拍劇忙﹗」問她有否擔心上圍縮水？她說：「起初都有擔心，好在我胃腩細咗，睇落好似升Cup！」至於內衣是否要全換掉？她說：「內衣就冇，牛仔褲就要換晒！」
冇份拍劇唔失落
此外，問到她對於無綫找《畢打》舊將再開新處境劇一事？她說：「冇人通知我，但我都有去探班！」冇份演出會否感到失落？她說：「唔會唔開心！但都希望有份做！不過我都有新劇開，就係《隔離七日情》！」
而自肥姐離世後，作為鄭欣宜的監護人陳淑芬對她加以照顧，盛傳欣宜最近愛玩失蹤，又在「微博」大晒性感泳裝照，激嬲陳太，陳太力斥報道失實，覺得報道對欣宜造成傷害，是不公平做法，她說：「母親節當日喺上海，欣宜打長途電話畀我，唱歌我聽，我不知幾sweet，傳聞對佢不公，有必要澄清。」
另外，昨晚大會除安排Ana R.等名模佩戴英皇珠寶行騷，o靚模陳嘉寶及蔡穎恩亦有出席，對於近日不少o靚模入行，她們說：「大家一齊都係為工作，我哋入行都一段日子，都有固定fans！」
文：名人組