羅守耀欣賞廖碧兒自願捱打
羅守耀（Dennis）與杜琪峯關係一度引起不少揣測，身為當事人的Dennis坦承夥拍阿杜做「生意」達雙贏之局，卻揚言短期內無意再「雙劍合璧」。至於曾與他有錢銀瓜葛的章小蕙，Dennis似乎不屑一顧，但對廖碧兒的肯學肯做，大讚可造之材。
由從事地產而打響名堂的Dennis，年來染指電影業，自資開拍一系列小本製作電影。充滿自信的他，不認為家財幫了自己很多：「唔可以咁講，我哋（指家人）基本上已經分咗家，我用我嘅錢嚟拍戲都唔使蝕……做唔做到視乎你能唔能夠駕馭成件事（指拍戲），同有冇錢冇乜關係嘅！」
與阿杜合作雙贏
不得不承認，杜琪峯及章小蕙令Dennis在影壇知名度飆升，不過當年Dennis忽然與阿杜「分家」，令人猜測二人友情生變。Dennis這天被記者追問與阿杜的關係時，他大方表示：「我哋早兩日先約過食飯喎，冇嘢呀！沙士期間佢需要啲經濟援助，我入股佢間公司，之後換回機會去監製一部康城參展電影，大家『雙贏』啫。（再合作？）咁我諗短期內都唔會嘞，因為大家（拍戲）嘅路線都唔同。」
Dennis為人很「直」，說話不會轉彎抹角，當談到章小蕙時，他重新表示：「我由始至終都唔認識佢。（搵佢合作？）唔好嘞，呢個圈都好多人可以合作啫。」沒有自命清高，談起自己的電影票房，Dennis表示中規中矩，最高不超過五百萬，但最低亦不低於一百八十萬：「做人唔可以自圓其說，拍藝術片冇人欣賞唔可以淨係推說人哋唔識貨，唔通個個都唔識貨咩？拍戲點都希望有人欣賞。」令Dennis最開心的，是當年《黑拳》版權被賣到遠至俄羅斯等地，即證明他不是「賣花讚花香」。
從影以來冇蝕錢
對於電影，Dennis給人的感覺很實在、很「生意」，他誇口表示從影以來自己一直收支平衡，甚至有賺，但原來他為圓電影夢，足足花去二十多年時間，由大學修讀電影系，到片場內當「義工」想辦法入行及擴展人脈，Dennis對拍戲可謂義無反顧。
對於合作的演員，他絕對的賞罰分明，就如開戲力捧廖碧兒當打女，Dennis欣賞的謂：「佢主動話要嚟上十幾堂武術課先開工，係人都知道冇額外收入，佢冇花旦嘅嬌貴自恃，肯學肯做，係一個可造之材。」
文：影視組