鍾舒漫好音功威到日本
鍾舒漫（Sherman）去年憑《給自己的信》揚威樂壇頒獎禮，人氣急升！近日更餘勢未了威到日本，《給》的MV獲日本NHK電視台作全國播放，成功開拓日本市場第一步。
Sherman的大熱歌曲《給》改編自日本創作女歌手Angela Aki的《手紙》，《手紙》在日本NHK電視台選為○九年度最具代表性的高中生畢業歌，成為全日本學生畢業必唱歌曲。NHK特別製作一個特輯搜集有關《手紙》的資料，得知Sherman改編成廣東歌，覺得歌詞十分正面兼在港大受歡迎。NHK有見及此，決定將Sherman的《給》MV在特輯播出，亦會邀請Sherman做訪問。
不用唱別人的歌
對於《給》有機會在全日本播出，讓當地歌迷認識，Sherman興奮表示：「之前有聽過公司同事同我講呢件事，自己當然好開心啦，冇諗過MV可以喺日本播。（開拓日本市場？）呢個我更加冇諗，諗太遠喇！」
Sherman坦言《給》為她帶來很多機會，絕對是意料之外。現正籌備新碟的她，已灌錄《給》國語版。她說：「自己一直都冇一首國語歌，以往喺內地演出如果要唱國語歌，就只得唱人哋嘅歌，依家唔使啦！」
坦言很欣賞Angela Aki才華的Sherman，問到想不想與對方同台演出？她謂：「梗係想啦！我實開心到喊！（視對方為榜樣？）當然啦，我創作仲喺BB階段，要向佢多多學習呢。」
文：音樂組