農夫預告唱到拆台
已組成了十年的樂隊農夫今年六月將會踩入紅館開個唱，他們更是首隊於紅館開個唱的Hip-Hop組合，除充滿驚喜外，更揚言唱到最後會「拆咗個台」！
原來在紅館開個唱並不是農夫一直以來的夢想，今次這個機會對他們來說可算是突如其來的恩賜，亦是他們十年以來的結晶，陸永說：「我哋今次除咗會玩樂器同跳舞之外，仲有棟篤笑，短則半個鐘，長則一個鐘，而且內容會比較生活化。」Ｃ君更笑言可能會出賣很多圈中好友：「我諗出賣得嘅我哋都會出賣，可能會得罪好多人，最後我哋仲會拆爛紅館，真係會成個台都打爛佢！」
畀佢哋接棒
而演唱會由策劃到後期都由他們一手包辦，負責的班底均是初踏紅館之人，陸永說：「今次成班都係好後生、好有火嘅人，大家一齊做好個Show，同埋要話畀上一代嘅人知，叫佢哋放心係時候畀下一代嘅人接棒。」他們並不排除會加場，到時可能是做「下集」。
攝：李廣成
服裝：5cm
化妝：manyee
髮型：renton（via il colpo）
場地：The Penthouse Bali Ba
文：專案組