千嬅封嘴阿詩甩底
楊千嬅昨日出席公開活動，對於林建岳與女友分手，身為老闆愛將之一的千嬅及旗下藝人齊齊封嘴唔回應兼且臨時「甩底」，千嬅說：「唔知咩事，我哋做細唔知大人事，冇資格過問，加上私事同八卦嘢更加唔會問。」有指老闆特別為她開新唱片公司「華星」，簽她做一姐，千嬅說：「一星期後有公布，喺我歌手世界裏面冇一姐，只得梅艷芳可以做一姐。（約滿Amusic？）係，亦都續約咗經理人。（Amusic有冇搵你傾續約？）佢係發行，一路有合作，始終都係老闆公司。」
另外，何韻詩原本出席昨晚由何超儀主演的電影首映禮，有傳她為避談老闆與女友分手臨時缺席，阿詩的唱片公司發言人說：「最初係答應睇吓檔期去唔去到，點知撞咗錄音。」
晚上，阿詩在微博留言致歉，表示要做mixing去不到何超儀的首映。