吳彥祖早前於南非迎娶Lisa S.，迎接人生新階段，新婚的心情，當然靚絕，但原來去年年頭，吳彥祖曾經患上抑鬱症，據知，去年拍完《如夢》之後，吳彥祖因戲中角色太灰沉，再加上有一場崩潰戲，令一向投入角色的吳彥祖，久久未能平復，所以拍畢後兩個月，情緒依然十分低落！
吳彥祖被問及此事時，他亦坦承表示：「當時好辛苦，情緒好波動，因為《如夢》嘅角色同我本身嘅性格背景都好唔同，呢個角色係一個好不幸，無父無母，經常要活喺一個孤僻孤獨嘅世界，我拍完套戲兩個月都未能做番正常嘅自己，其中戲入面一幕係講自己不幸嘅身世，足足要講十分鐘，無NG，我喊得好厲害。拍完之後，我發現自己有啲唔妥，無厘精神，唔想做嘢，只想匿埋屋企，幸好當時Liza S.不斷支持同鼓勵我，慢慢先無事。」
另外，吳彥祖接受傳媒訪問，談到當年與Maggie Q分手時，心情極度惡劣，他曾經試過在睡醒後，發現自己喊過，一直被沉重的心情纏住，吳彥祖坦言有這種感覺，主要原因是他當時不願面對，後來覺得這樣沉下去不是辦法，故決心振作走出陰暗，吳彥祖還指當時曾有朋友叫他看心理醫生，但他覺得自己知道如何處理，所以就以自己的方法去面對問題。
文：影視組