城城提Lynn關注冧爆甜笑
郭富城與緋聞女友熊黛林（Lynn）戀情白熱化，繼日前被踢爆用微博傳情後，昨日城城提起Lynn忍不住冧爆甜笑，除公開會捧女友場入戲院看《葉問2》外，又盛讚Lynn好演技，沐浴愛河的城城果然滿臉春風！
城城昨日出席假海港城舉行的「Longines發展未來網球冠軍——香港區選拔賽頒獎儀式」，同時為玉樹地震籌款，大會捐出一隻三萬元腕錶作慈善拍賣，由資深音樂人金培達以五萬元投得，而城城則為每位捐出一百元的市民在網球上簽名留念。揚言喜歡打網球的城城更表示，世界有名網球手Ana Ivanonic（伊雲娜域）07年時曾教他打波。
冇留意邱淑貞
雖然城城不願回應有否跟Lynn打過網球，但提到女友的新戲《葉問2》上映，城城坦言會捧場，他說：「係一部好電影，不過要遲啲先睇，因為我要忙新加坡嘅巡迴演唱會！（Lynn演技有進步？）未睇所以評論唔到！（上一部演技呢？）OK啦！」對於被指透過微博互相關注兼傳情，城城即冧爆興奮表示：「係呀，可以同歌迷多啲溝通！（可以談情？）如果係咁，我同好多歌迷都談緊情！（同Lynn互相關注？）我關注咗好多朋友！」
另外，有傳好友沈嘉偉太太邱淑貞再度「有喜」，城城自爆日前跟沈氏夫婦飯聚，但他稱沒留意邱淑貞是否懷孕，記者追問城城是否不知道？他說：「我真係唔知，我好誠實唔講大話！（你個笑容好蠱惑？）乜我啲演技咁差咩！」
文：音樂組