楊思琦行善冇托手(月爭)

楊思琦慳家係人都知，不過慳還慳，講到做善事，思琦絕冇托手(月爭)！早排八太就喺中環見到思琦同黎芷珊，仲有幾個朋友一齊行街添。思琦同芷珊本來企定定等過馬路，話晒思琦係花旦，當然引人注目。等咗唔夠一分鐘，就有一位賣慈善獎券嘅女仔行去思琦同芷珊身邊，問佢哋買唔買獎券做善事，兩個問清楚善款會捐去邊個機構後，就拿拿聲攞個銀包出嚟畀錢買獎券，認真爽手。