蘭子開心形象返晒嚟
入行多年、四十出頭嘅陳淑蘭，佢嘅搞笑形象深入民心，但可惜每段戀情都唔可以開花結果。前排有報道話佢向拍拖三年嘅男友利承武逼婚不遂，搞到要生要死，身邊好友驚佢鑽牛角尖，極力勸佢返教會，等佢有精神寄託，唔好再亂諗嘢。
蘭子喺三月尾終於受浸正式成為基督徒，最近仲傳佢搭上一位有米教友Simon添。八太早前喺跑馬地見到蘭子架車泊喺成和道間便利店門口，轉頭就見到春風滿面嘅蘭子笑笑口咁行出嚟，邊行邊車匙開鎖，之後就揸車走人。雖然唔知蘭子今次係咪成功釣到金龜，但見佢開心過以前，做朋友嘅都放心啦！