洪金寶愛自由不收徒
洪金寶在拍攝《葉問２》期間被外籍拳手打暈，但他堅持拍多五個鐘後才去醫院縫上四針，對於新片開畫四日收逾千三萬，內地票房破億，身兼動作導演及演員的他說：「起初見劇本又係擂台，都有啲壓力。（票房有乜期望？）導演葉偉信話想同《阿凡達》一樣喎！（再開《葉問３》？）應該停，都唔知仲可以講乜。」
談到與宇宙最強甄子丹及動作片新丁黃曉明合作，洪金寶說：「子丹都會畀意見，但基本上我講乜佢做乜，曉明好勤力、好有潛質，（葉偉信讚曉明打得好？）動作指導度得好啫！出年我可能做導演開套動作戲，拍虛構人物，（效法成龍收徒？）收徒弟要有嘢畀人做，唔通叫人返香港食碗魚蛋粉？我鍾意自由，唔想被綁死。」
此外，台灣有戲院將《葉問２》英文片名，錯誤顯示成《LP MAN 2》，由於「LP」在台灣暗指男性性器官，變相為《葉問２》帶來額外宣傳。