陳偉霆呼籲咪上當

前晚William跟過百名歌迷聚會，當中女多男少，William主動跟歌迷傾偈及教他們跳舞，場面熱鬧。他坦言很多男歌迷比較低調，只會在聚會才出現。他說：「頭先有個男歌迷要求同我抱抱，不過我諗我都會答應嘅。」

會費非150元

William表示從親人口中得知，有人假扮歌迷會負責人混入簽名會，即場招募歌迷入會兼交會費，懷疑有人從中取利。他藉着今次聚會特別向歌迷呼籲，希望大家不要上當。

陳偉霆教歌迷跳舞，不慎露紅底。

現場所見，陳偉霆的fans以女性居多。

William說：「我屋企人見到有一男一女扮工作人員，即場叫人加入歌迷會，仲收每人一百五十蚊入會費，好似話好多歌迷同家長都有照畀。其實公司話根本冇呢件事，會費亦唔係呢個數目，所以希望歌迷唔好上當被呃錢。」他又呼籲歌迷留意有關人物，希望及早將不法分子繩之於法。

懶理Baby緋聞

William坦言最近心情開朗，整個人亦「靚仔晒」。他說：「可能係少咗啲是非新聞啦。（但Angelababy同黃曉明緋聞仲係好多喎！）已經唔關我事啦！我都冇乜刻意去留意，亦唔會避忌。」 文：音樂組