薛凱琪慾搏祖名摸啜任睇
薛凱琪（Fiona）與房祖名雖然情已逝，但最近卻於大銀幕上續前緣，兩人豁出去又攬又錫，更不乏撫摸場面，雖然該片未上映，不過二人已急不及待把預告片上載，短短四分多鐘片段已四度「咀嘴」，難怪祖名fans留言表示，片中儼如二人的戀愛真實版。
Fiona與祖名早年因合作電影《早熟》撻着，不過有傳Fiona難忍男友花心而分手，幸而兩人再見亦是朋友，去年再以情侶檔姿態接拍電影《分手說愛你》，雖然電影公司安排下月上映，但Fiona與祖名已率先透過Facebook及微博上載預告片推介一番。
錫嘅同時唔會唔摸
於短短四分半鐘片段中，飾演相戀多年的Fiona與祖名親熱連場，單是接吻戲已有四次之多，還有床上戲，Fiona為祖名化女人妝、拿起攝錄機拍攝祖名如廁等，祖名更稱呼Fiona為BB，由於兩人乃分手情侶，所以演起來幾可亂真，祖名的fans還於網上留言，大讚兩人於片中甜蜜之餘很有真實感，就如兩人現實中的愛情故事。
對於fans如此大反應，女主角Fiona當然大感高興，自爆拍攝甜蜜戲份初期，由於兩人本身很熟，所以演繹分外尷尬：「導演黃真真話一對拍拖咁多年嘅情侶，錫嘅同時唔會唔摸，唔係就不如唔好拍，之後我就決定豁出去，不過祖名都好好，冇掂到啲敏感部位（驚唔驚套戲畀人話係「復合之作」？）唔驚，邊驚得咁多。」
踩爆水喉繼續親熱
談到片中不時拿起攝錄機拍攝，有否擔心令人聯想起年前的「慾照風波」，Fiona指親熱戲份沒有色情成分，頂多只是接吻時間多一點，故道德上應沒有問題，更笑言該片沒有加入自己的愛情經歷，因從來沒有對男友不忠。
Fiona透露片中一場廁所親熱戲，兩人需要「咀到黐埋牆」，沒料穿上高踭鞋的她，竟然激烈得踩爆水喉，雖然?爆當場，但Fiona卻忍笑至導演喊停：「因為已經NG好多次，好驚呢次都NG埋就唔係太好，結果真真就係要咗呢個Take。」文:影視組