呂晶晶林韋辰4年情玩完

拍劇不怕緋聞

呂晶晶日前接受本報訪問，表示會往橫店與陳浩民合作拍攝劇集《秦香蓮》，劇中二人有感情線，說到陳浩民過往有不少緋聞，晶晶坦言：「我唔怕，不過，聽聞佢好玩得，（你係絕緣體？）佢應該唔係我嗰type囉！」再問她會否怕阿辰擔心時，她坦言：「我依家單身，（分咗手？）總之我係單身，其他唔想講多。」

各為事業努力

昨日記者致電於大陸的阿辰，他直認不諱與晶晶分手半年，問到是否有第三者，他說：「絕對無，大家仍然係好朋友，（邊個提出分手？）唔好講邊個啦！我哋大家都覺得應該畀各自多啲時間努力，於事業上做出好成績。」問到會否可惜，他說：「將來點都未知，（有機會復合？）暫時唔會。」

阿辰又坦言不擔心晶晶會與陳浩民傳緋聞，他說：「冇所謂啦！如果緣分到都冇計，佢係一個理性多於感性嘅人，知道邊啲人會啱佢。」

服裝：Kensie

場地：Planet Yoga（銅鑼灣）

文：影視組