陸詩韻認中女貓步晒韻味
陸詩韻、苟芸慧、周美欣、劉倩婷等前晚於海港城出席港姐招募活動，眾靚人以Catwalk形式宣傳，當中以周美欣的Deep V晚裝最為性感，可惜身材平平無奇的她甚無「睇頭」，事後她有自知之明的謂：「初頭見到件衫，都心諗唔會係我啩！自己不嬲都冇乜胸，有型多過Sexy。」
劉倩婷谷胸示人
而劉倩婷為配合今年外景拍攝地點，穿着印度民族裙示人，明顯瘦了的她就夾出一條「小事業線」，但她卻否認有戴Push Up Bra，更謂：「之前食嘢唔定時，都瘦咗幾磅，（上圍有冇縮？）冇定期檢查，（感覺勁咗？）只係件衫帶出線條啫！」
苟芸慧提名胞妹
向來身材不俗的陸詩韻被問到為何不性感示人，她說：「性感交畀新一代啦！」她又指○五年參選至今，都進步不少，雖然之前被緋聞影響，但總算一個經驗，身為師姐級的她又坦言不介意被指是「中女」，反而覺得中女更有味道。
而苟芸慧則坦言想提名妹妹參選，她大讚其好身材比她還要「勁」之餘，更具日本妹的可愛感覺，但都只會建議，不會強迫對方參選。
文：影視組