惠英紅唔識抓撈
【文國駿深圳直擊】應屆金像影后惠英紅，昨日聯同張婉婷、羅啟銳、戴夢夢等現身羅湖喜薈城，出席香港角川洲立集團內地第二間電影城開幕暨「一票一蛋」愛心行動。曾揚言想向張婉婷、羅啟銳自薦合作的小紅，昨日卻未有抓撈，她說：「我淨係講hello咋，我唔識sell自己，唔識做公關工作，我有好多電影劇本，應承咗三套，本來最快七月開拍其中一套，但導演想執靚劇本，延至九月，我唔講導演係邊個，總之佢劇本真係好，我唔介意等。五月尾我會出席內地頒獎禮，我會照舊戴珍珠，但想特別啲戴黑珍珠，今次期望唔大，因為《風聲》兩個女角都有入圍。」
