熊黛林撚手炒蛋 城城冇口福
熊黛林（Lynn）前晚身穿白色Pinko晚裝出席廚櫃品牌開幕活動，由於前晚雨勢頗大，Lynn抵達時顯得有點狼狽，自稱拿手炒蛋的她竟說緋聞男友郭富城沒有口福嘗她的手勢。
Lynn自爆廚藝麻麻，謂撚手小菜只有青菜及番茄炒蛋。問到郭富城（城城）有否品嘗過她的手勢時，她即扯媽咪落水表示：「無呀，連媽咪都未試過，如果真係要煮畀朋友食，我要好正經出去學過先敢拎出嚟。（係咪城城嘴刁？）唔係，我怕醜啫，畀朋友食要好食先得。」
聞open撒嬌
記者隨即笑問Lynn是否因打邊爐打得多所以無暇下廚煮食，她即忍不住嬌笑。又自爆家中廚房是open kitchen，認為廚房能反映一個人的內心，記者追問她內心是否一樣如此open，嚇得她急忙撒嬌求饒謂：「唔知呀……你指邊方面open先？總之我唔知啦。」
未知是否想幫忙力谷《葉問2》，Lynn透露下星期會包場請睇新戲，問她會否請城城，她則擺記者上枱謂：「最主要係請記者朋友，都係公司安排。（即係唔請城城？）呢啲唔使啦，就算係都唔會係嗰日。」
文：影視組