霆鋒聞產期話老竇傻

謝霆鋒昨晚八時許與好友Eric Kwok及周永恒等於跑馬地的食肆用膳後離開，霆鋒被追問四哥指栢芝本月十日便產子，他聞言即說：「佢又知？傻咗呀。（栢芝心情係咪好緊張？）你仲緊張過佢啦。（有傳你又送豪宅畀老婆？）我成條跑馬地買咗啦。」而提到栢芝胃口時，霆鋒即對記者笑道：「好得滯，好到食咗你添呀。」

而稍後亦榮升做父親的周永恒前日與家人慶祝26歲生日後現身活動，他透露今年生日禮物主要以嬰兒用品為多，至於太太趙梓淇（Yu）有何表示？他露出幸福笑容說：「BB囉！照咗係女，我係呷醋外父呀。」