李曼筠沖涼暴斃力保三點
近日甚少露面的「動漫Maggie」李曼筠昨出席玉石展時，原來她早前返中山拍電影，她表示拍戲並不辛苦，反而是被蚊叮至爛腳最痛苦，問到可有性感演出？Maggie說：「我喺戲裏面係沖沖下涼死，但唔會露重要地方，呢部係驚慄片唔係三級片。」至於不少o靚模都部署今夏出性感寫真，但Maggie謂因忙於拍電影，未能趕得及籌備，但公司已另有策略。
同場的莊思敏近日忙於籌備其美容網站，今次與男友吳浩康（Deep）一起投資六位數字，問到怕不怕大家會因財失義？她說：「以前同朋友合資時試過，今次初時同Deep都有嗌交，後尾籌備工作順利就再冇嗌交。」另外，莊思敏與泳兒、詩雅、貝安琪和楊諾思等前晚亦出席了Shiseido假英皇珠寶旗艦店舉行的彩妝酒會，前港姐何傲兒現場擔任化妝模特兒，更罕有地以低胸晚裝示人。
