孫耀威陳美詩禁慾冇難度
孫耀威（Eric）日前公開與陳美詩的戀情，昨日陳美詩宣傳時表示雙方的感情是成熟地開始，故視對方為結婚對象，由於同屬教徒，她揚言會遵守婚前沒有性行為戒律，且因二人嗜好多多，應可分散注意力。
陳美詩、商天娥、宣萱、滕麗名及賈曉晨等昨為《掌上明珠》宣傳，男主角林保怡、陶大宇因事缺席。四位女主角中，前三者都感情有着落，其中以剛被踢爆戀情的美詩較注目。
視Eric為結婚對象
面對記者時，美詩坦言緊張，因是首次公開戀情，但她強調之前非刻意隱瞞，談到拍拖經過，美詩說：「我哋喺教會識，初時係一大班人，後尾我哋開始通視像電話，都幾得意，經過一段時間了解，好成熟咁開始，（係結婚對象？）咁梗有潛質至一齊嘅，（堅持唔會有婚前性行為？）人冇完美，盡力而為啦，（依家仲守到？）守到，有信心佢都守到，蔡少芬都係啦，盡力而為啦，其實Eric雖然鍾意搞爛Gag，但對音樂、宗教、朋友都好認真，而且我哋一齊時會彈琴、寫歌、打羽毛球，可以分散到注意力。」至於Eric較年長，美詩謂二人只相差六、七年，年齡不是問題。
滕麗名唔心急拍拖
另外，宣萱跟外籍男友亦感情穩定，問到男友可有求婚？宣萱說：「都有傾過，不過大家都忙，遲下先啦。」而感情未有着落的滕麗名笑言這樣才「物以罕為貴」，自己亦不心急。
文：影視組