謝賢神秘包裹贈新抱
快將再為謝家添丁的張栢芝，連日來留家待產。昨午一時許，老爺謝賢（四哥）專程駕車到栢芝位於舂坎角寓所，見到大批傳媒於門外守候時，身穿紅色外套、中門大開的四哥即絞低車窗說：「使唔使咁大陣仗呀？」問栢芝會否在十日內生B？他只笑沒回應，隨後更從車廂拿出一包用報紙包裹的東西入內。一小時後，四哥離開時說：「你哋唔使驚，有排都未到。（帶咗咩畀新抱？）帶咗望遠鏡，等佢可以喺樓上望到你哋，哈哈。」
昨午三時半，一名陌生男子由霆鋒司機接載下到其寓所，令現場傳媒大為緊張，有傳指該男子是醫生，對於傳出栢芝在家產子一事，本報向栢芝經理人周小姐求證，她說：「得啖笑！個男人係佢哋啲屋企人。（栢芝幾時生得？）講咗好多次，冇咁快！」
