唐詩詠升呢跑馬地覓愛巢

雖然詩詠為人低調，但其實「禾稈冚珍珠」，富貴的她一眼便看中跑馬地這個明星豪宅區，而心水安樂窩則是位於山光道愉寶大廈的中型單位。

搵Toby幫眼

當日，詩詠與Toby及地產經紀有講有笑的抵達「目標」單位後，詩詠即一支箭走入廚房，來回踱步研究間隔，一看便知她甚有賢妻良母風範，難怪異性緣甚佳，盛傳與崔建邦翻撻之餘，又與無綫上位小生黃嘉樂傳緋聞。

詩詠最關注是廚房夠唔夠大。

地產經紀帶詩詠與Toby往睇樓。

至於其好友Toby，則研究大廳間隔及風水位。

Toby和詩詠到地產公司問價。

詩詠（左）與Toby有商有量。

記者事後追問詩詠是否因蜜運才揼本搵愛築，她即忍不住笑謂：「我仲係單身o架，我只係想朝獨立女性理想生活進發啫！」

詩詠強調現時以工作為大前提，故現階段暫沒有拍拖打算，她說：「搬出嚟住只係為咗要過獨立生活，我開工時間又唔穩定，自己住會方便啲，起碼出入都唔會嘈到屋企人。（點解同Toby一齊睇？）佢係我好姊妹，所以幫手睇樓畀意見啫。」