前晚有指司馬燕家姐因病入院，記者致電司馬燕，她表示：「係呀，我啱啱喺醫院返嚟，（家姐咩事？）佢有癌病，最近擴散到肺部，原本情況唔係好樂觀，但依家好番啲，不過，可能落咗止痛藥嘅關係，佢仲係昏迷緊，家姐之前曾經做過四次大手術，上年都好危險，醫生都叫我哋要有心理準備，但最後奇迹地好番，希望佢今次都可以大步檻過。」
