楊思琦昨日出席活動，期間自爆正密密學習廚藝，而問到她是否要畀男友李泳豪食？她說：「煮畀親戚朋友，暫時最叻煎扒同牛仔骨。（男友試食之後話乜？）我手勢麻麻，廚藝有待改進。（係咪要學廚藝嚟嫁人？）遲啲都要嘅，所以急起直追，唔係將來B仔B女話媽咪點解煮成咁嘅！仲有幾年學，識煮嘢食除咗小朋友開心，老公更鍾意。」
