江若琳出鼓惑舞動足球

江若琳昨日出席「奧海城南非節」活動，出席者還有信和集團執行董事楊光、信和集團商場推廣總經理蘇蔡潔蓮及南非駐香港及澳門總領事譚諾娜，眾人跟南非足球盛事官方舞蹈教練Wendy Ramokgadi於台上跳Diski Dance及打非洲鼓。

童年陰影

江若琳表示之前除了跟教練學習外，亦有上網看片學習，她說：「呢隻舞當中有啲足球動作，好得意。不過自己對足球就有少少陰影，小學時同啲同學去踢波，啲男同學太起勁，結果我就食波餅，半邊面腫咗。」她又自稱愛看足球節目，很喜歡球星碧咸。

右起：江若琳、楊光、譚諾娜及蘇蔡潔蓮於活動上表演非洲鼓。

南非舞蹈員攬實江若琳合照，令男fans羨慕。

活動期間，南非舞蹈員與江若琳影合照時，搭着膊頭相當熱情，事後她謂：「都有少少尷尬，嚟到時佢哋仲錫我手背，不過都係禮貌。」

開心拍劇

此外，有報道指早前江若琳與謝婷婷出席活動時，被對方藐視。江若琳對此回應：「可能近排太靜，佢哋搵嘢講啫。婷婷都好nice，大家嗰日都有傾偈。我對呢啲報道已經視而不見，冇精力唔開心。」她表示最近地獄式工作，既要拍劇，又要錄音及跳舞。她興奮地說：「喺劇集《洪武三十二》入面，我要扮男裝，監製話我好得，仲加咗我幾場扮男仔嘅戲。」

文：影視組