Lynn事先張揚請城城睇戲

前晚電影《葉問2》於圓方戲院舉行慈善首映禮，主角甄子丹、洪金寶、熊黛林等出席，反而戲中另一要角黃曉明未有現身首映之中。

問Lynn有否叫城城欣賞演出？她大方表示：「佢或者之後睇啦，唔一定會叫佢買飛嘅，睇下我有冇飛畀佢啦。」再問會否與城城到戲院情侶座位齊齊欣賞時，她尷尬說：「唔會專登一齊睇，我都唔知邊啲戲院有情侶座位，希望佢睇完之後都會畀啲意見我！」

郭富城	傅穎盛裝赴會，謀殺不少菲林。

「男友」冇投訴

穿了Ferre裙現身首映的Lynn予人清新感覺，但就着上平底鞋出席活動。問到是否特意遷就男主角甄子丹高度？Lynn解釋：「我做電影宣傳時多數都會着平底鞋，唔係為咗就啲男演員，而係想啲電影人見到我真正嘅身高，搵我拍戲。（城城有冇投訴你着高踭鞋？）冇！」

洪金寶與甄子丹擺出對打架式，甚有氣勢。

甄子丹偕愛妻汪詩詩出席首映，對票房充滿信心。

同場的甄子丹表示，數日前於內地見過黃曉明，對方正忙拍陳凱歌執導的新片。甄子丹大讚曉明於內地宣傳電影時表現落力，不相信對方不滿戲份被刪而缺席港宣傳的謠言。問到會否覺得曉明不來港是避談與Angelababy的緋聞？甄子丹說：「我覺得私人生活、男歡女愛唔使咁關注，佢成日嚟香港都會搵我，唔通傳我搞基？佢一向受女仔歡迎！」而《葉問2》將於今日舉行優先場，收益將撥捐玉樹賑災。

關雲長造型曝光

此外，由甄子丹主演的新片《關雲長》原來已於內地秘密開始拍攝，其關雲長造型亦曝光。只見面上黐了不少鬍鬚的他不斷揮舞手上的大關刀，雖然衣着不是特別華麗，但仍非常威武。

文：影視組