吳尊撐小天：各有市場
台灣型男吳尊前晚旋風式襲港，吸引逾百fans瘋狂守候，問到可會怕風頭被同樣在香港紅爆的阮經天搶過，他大方表示不會，更看了小天主演的《艋舺》，原來兩人曾承諾要互相看對方的電影以示支持。
萬人迷吳尊前日特地應邀來港出席晚上舉行的「Alfred Dunhill Hong Kong Home」開幕活動，昨午便飛返台灣。當晚的嘉賓眾多，包括任達華、陳偉霆等，而現場早已有過百fans在守候偶像吳尊的來臨，令街上、天橋甚至馬路邊都擠滿人。至晚上八時十分，身穿該品牌新裝及戴帽的吳尊帥氣到場，令fans不斷高聲尖叫，更有fans站在馬路邊的欄杆上靠着路牌來拍照，無視車輛擦身而過，險象環生。
爹哋胸肌夠勁
吳尊十分識做地以半鹹淡廣東話大讚品牌大方，送了兩套新裝給他。他還記得廿年前已跟爸爸一起到該品牌的專門店買衫。問到可會送衫給爸爸，他說：「我會同佢share，我同佢身形差唔多，平時佢都會攞我啲衫嚟着。（你咁大隻佢都啱着？）Daddy都有肌肉，佢個chest勁啲，因為我好忙冇時間workout，佢每星期有三、四日workout。（Daddy身形好啲唔怕啲女仔注意佢多過你？）唔緊要，睇佢都好。」
約定互相捧場
吳尊又透露現正在看劇本及將拍攝廣告及電視劇，對於小天同樣也在香港走紅，可會怕被對方搶風頭，他說：「各人都有自己market，係好事，大家都好努力，應該支持。（睇咗《艋舺》未？）有睇，之前大家碰面都話要睇對方嘅戲。」另外，他和公司也有捐款予青海地震災民，若有時間他一定會參與26日的賑災活動。
文：名人組