高海寧顧上失下股罅任睇

高海寧、朱咪咪、王祖藍及張美妮等前晚為《超級遊戲獎門人》錄影，向來身材突出的高海寧衣着密實，更笑言自己真材實料，否則都驚玩遊戲時會爆。

雖然上衣包到上頸，但在「超級無敵爆波波」環節中，高海寧卻被張國強拉起褲頭露出股罅，事後她仍懵然不知，反問記者：「真係o架？玩得放得滯喇！下次收番啲先！」

嘴唇柔軟

而於「超級無敵SHORT SHORT哋」中，高海寧用口傳餅條給祖藍，玩得投入的她連牙罅都有餅乾碎，被祖藍取笑，令她非常尷尬，而傳餅條期間她掂到祖藍嘴唇，對方即一副冧樣，高海寧事後笑謂：「佢（祖藍）好好錫呀，嘴唇仲軟過我，我嘅螢幕初吻畀咗佢，不過佢已有教友（女友），唔會要我。」高海寧又遭金剛拿她與富家子車中咀嘴的傳聞作笑柄。

張國強（右）好心做壞事，累高海寧露股。

放大圖片

已有家室

祖藍的戀情剛曝光，他坦言女友尚未蒲頭，之前被拍得跟他同行的女子只是他的前助手。問他是否怕對方靚女過他？祖藍就謂:「喺我心目中佢靚過我，不過佢都讚我索過佢，公開係要畀人知I'm not available，人哋係好傳統嘅基督教家庭，要派定心丸畀佢哋。」談到高海寧為他獻上螢幕初吻，祖藍笑言：「我有家室o架喇！我已經搵到食。」

文：影視組