林莉全相齋益老外
○五年港姐季軍轉型當模特兒的林莉，前晚在街頭擔任人體彩繪模特兒，大膽地單着Bra上陣，罕有地如此性感，但表演時顯得神態自若，更揚言接受着透視裝行騷，挑戰個人的性感底線！
前晚模特兒林莉為啤酒品牌K1664假蘭桂坊舉辦的「法式享樂主義」藝術展，擔任人體彩繪示範，並以Bra上陣。
為藝術而犧牲
林莉稱今次是她首度擔任人體彩繪模特兒兼在中環街頭穿Bra示眾，問到為何不索性裸體上陣，她坦言：「我知道正式人體彩繪係唔着衫，但如果喺香港就唔會，喺法國或者其他地方都可以試下，因為文化唔同。」她又自爆之前就因穿Bra與否，曾與經理人開拖，她說：「經理人好保護我，想我穿Tube Top，但我覺得唔係咁好，會嘥咗藝術家嘅心機，所以我堅持着Bra，而且出來效果似着咗一件衫，好似國王的新衣，成件事好藝術。」
行騷唔睇酬勞
另外，談到不少模特兒行騷時，演繹透視裝也會真空上陣，問到林莉能否接受，她自言：「冇問題，行騷嘅時候啲人只會集中注意件衫嘅設計，唔會睇身材咩級數。（對自己身材滿意？）ＯＫ。（內衣騷呢？）我唔係只睇酬勞或者睇牌子，其實要睇成件事係點，最緊要出嚟效果係靚，有藝術感，而唔係Cheap。」
文：名人組