Jessica C.日本碌爆卡
Jessica C.昨日以嘉賓身份出席「SPORT B.xMSN我的試身室」活動，熱愛Shopping的她直言網上購物會令她瘋狂：「有張信用卡就可以係咁買，買到超晒預算經常都會發生。（你係咪一個購物狂？）以前係，我咩都鍾意買，淨係大圈圈嘅耳環都有幾十對，好多時買完返去先覺得其實自己並唔需要。（會唔會爭卡數？）有時會一次過還清卡數，但如果嗰排係咁買嘢就要分期還。」
Jessica透露曾在日本大出血碌爆卡，故下定決心改掉亂購物的習慣，取消所有信用卡：「依家我再冇信用卡喇，卡數都還晒，我依家只會用提款卡。（想唔想第時個老公畀信用卡你用？）我都想，咁買嘢時就唔會有罪咎感。」