Baby依依不寫海綿蛋糕

Baby昨日與師妹楊汀叮、Sarah、Hilary、Isabel和Winnie為第二屆「海港城STYLE Model Hunt模特兒大賽」宣傳。活動完結後，去年勝出「絕世好工」的Ben Southall突然出現並要求跟Baby合照，Ben大讚Baby美麗，是國際名模。

怕被誤會博宣傳

事後Baby大讚模特兒工作亦是絕世好工：「原本我只係一個學生，做咗model後有免費機票，可以周圍去，多咗工作機會，認識咗好多人。（仲可以食「海綿蛋糕」添！)有好多蛋糕可以食嘅。（黃曉明秘密來港喎！）我唔敢再講佢嘅嘢，唔想人哋覺得我博宣傳。（海綿蛋糕都唔敢講？）唔敢提喇，自己寫blog都要諗清想楚先寫，因為大家想像力太多喇。（驚佢啲fans嬲？）唔擔心，係驚影響工作。（你哋有共識唔再講？）係我自己o架。（會唔會因為呢啲新聞避咗佢或者影響到你哋嘅關係？）唔會避開佢，亦唔會影響我哋嘅朋友關係。」

楊汀叮昨日為模特兒大賽宣傳。

Ben大讚Baby美麗，是國際名模。

自言已有幾個月沒見黃曉明的Baby，強調沒與對方在港食飯，重申「海綿蛋糕」並非「曉明大哥」，「海綿蛋糕」只是一件玩具。再問她有否以「曉明大哥」稱呼對方？她說：「當然冇，我叫佢中文名。」她又透露其微博fans自發地合共籌得人民幣1,228元，她再加碼至12,280元捐予災民。

黃曉明犧牲色相

另外，黃曉明破天荒為電視劇犧牲色相，上身赤裸大騷胸肌露兩點和展示背臀曲線的性感照終極曝光，更被指其胸肌形狀似眼鏡，fans大讚秀色可餐。

文：名人組