Kay憶貧童心痛落淚
謝安琪（Kay）前晚以「饑饉之星」身份現身饑饉營地，分享早前到孟加拉探訪的經歷。已為人母的她，說到當地兒童飽受疾病及饑餓之苦時，不禁眼濕濕，場面感人。
Kay前晚出席「饑饉三十」分享晚會，與營友分享早前在孟加拉探訪的點滴。她謂：「我記得當地有個六歲嘅小朋友隻手好幼，又有啲小朋友有病，成日流鼻涕，佢哋嘅父母睇到都好痛心，自己見到覺得好無奈。我煮雞蛋畀佢哋食，佢哋都唔願食，因為想留番畀父母。」
鄧麗欣獲小方鼓勵
謝安琪說罷即感觸得眼泛淚光，並指當地小朋友性格非常樂觀，從未埋怨生活，令她很感動。她又透露囝囝張瞻把零用錢助養小朋友：「佢知道咁樣可以幫到人。」
同場的鄧麗欣亦有助養小朋友：「我會不時警惕自己唔好亂花錢，同埋要定期探嗰啲小朋友。」捱餓廿多小時的她自爆獲緋聞男友方力申鼓勵，小方對她說：「我都得，你都一樣得。」反而令她感壓力。
鍾舒漫飲奶頂肚餓
另外，樂隊Mr.、鍾舒漫及徐子珊等昨日以「饑饉天使」身份為營友打氣。首次參與饑饉的鍾舒漫坦言很肚餓：「好彩有飲奶，都有啲糖分補充。」她表示前晚參與分享會時非常感動，希望明年可以親身做探訪。Mr.則笑言今年較虛弱，成員Dash謂：「我哋不停取笑大家嚟頂肚餓，希望扯番啲腎上腺素返嚟。」
文：音樂組