霆鋒紅爆捧獎呵番栢芝
憑電影《十月圍城》成賽前大熱的謝霆鋒，眾望所歸勇奪「最佳男配角」，加上兩周後再做老竇，可謂雙喜臨門！一身紅噹噹打扮的霆鋒，在台上向太太張栢芝發表愛的宣言；至於葉璇則憑《意外》奪「最佳女配角」，興奮得喜極而泣！
上月已憑《十月圍城》在亞洲電影大獎奪「最佳男配角」獎的霆鋒，昨晚鮮有以紅色打扮現身金像獎頒獎禮，搶盡全場風頭，更再奪「最佳男配角」！雖然待產的太太栢芝未有出席，但霆鋒表示得獎後會立即回家與太太慶祝。「最佳女配角」則由《意外》的葉璇捧走，伊人更激動得幾乎泣不成聲。
自嘲似足紅地氈
事前笑言自己打扮似「紅地氈」的霆鋒，打扮極為搶鏡，更被負責頒發「最佳男配角」的何超儀踢爆在後台看到霆鋒連內褲都是紅色，果然「紅」運當頭。霆鋒致詞時一度嗚咽，首先多謝《十》片台前幕後工作人員，亦自爆為到內地拍戲已有近一個月沒見太太栢芝，他特別多謝對方體諒：「其實我想多謝太太，尋晚（前晚）先喺內地拍戲返嚟，仲有兩星期佢就為我生第二個BB，但聽日（今天）我又要飛走，呢個月我為拍戲只陪咗佢一日，多謝佢冇嬲我！最後我要多謝爹哋媽咪，我好耐冇多謝佢哋！」
霆鋒在後台表示活動後會立即返家與栢芝慶祝，又表示會將奪「最佳衣着獎」的八萬元玉墜送給老婆：「老婆send咗SMS畀我，話：『吓，有首飾o架？好昂貴。』（會唔會加片酬？）加四個零啦！其實唔會，無論有冇獎，都會用心去演。」他又稱已預先請假三周照顧臨盆後的栢芝。
感激TVB全場拍掌
至於首次奪「最佳女配角」的葉璇，聽罷頒獎嘉賓楊千嬅和余文樂宣布後即激動得喊住攬實身旁的《意》片導演鄭保瑞，上台後更邊喊邊說：「有一個好好嘅導演朋友講過，話『葉璇，冇人會搵你做女主角』，令人好沮喪。但金像獎無論係主角、配角或者閒角，甚至係一粒鈕、螺絲都好重要。」當她感激前公司TVB時，令全場拍掌，以及多謝缺席金像獎的杜琪峯導演，她說：「當所有人懷疑，但佢堅持，我一定會好努力，我仲要多謝好朋友古天樂，佢精湛演技令呢部戲多啲人關注，雖然佢冇嚟，but I see you。」
謝霆鋒Profile
年齡：30歲
《特警新人類》、《半支煙》、《無極》、《証人》、《十月圍城》
第18屆香港電影金像獎最佳新演員《古惑仔之少年激鬥篇》
2006年第28屆百花獎最佳男配角《新警察故事》
第4屆亞洲電影大獎最佳男配角《十月圍城》
葉璇Profile
年齡：30歲
電視劇《流金歲月》、《雲海玉弓緣》、《衝上雲霄》等
1999年華裔小姐冠軍及「最具古典美態獎」。
2005年憑《情義我心知》獲香港電影金像獎最佳新演員提名
文：專案組