古巨基冇覺好瞓患耳鳴
古巨基近日出現間歇性耳鳴，令他十分擔心，基仔透露經醫生診斷，認為是睡眠不足所致，不過醫生卻千叮萬囑，若情況冇好轉要切記覆診。
古巨基、洪卓立（Ken）及鄭融等前晚亮相音樂節目《勁歌金曲》錄影，基仔透露耳朵近日出現毛病，他說：「我呢輪經常出現間歇性耳鳴，我自己都好擔心，始終耳仔對一個歌手嚟講係好重要，睇咗醫生，佢話可能我平時休息唔夠，令到雙耳出現耳鳴，食一輪藥，就會好番，不過佢都有叮囑我，如果情況冇好轉，就一定要返去覆診。」雖然無暇休息，但基仔演唱時仍極具水準，果然專業。
鄭融捧MC Jin場
阿Ken的新歌《你好嗎》成為冠軍歌，他開心地說：「呢首歌對我好緊要，我真係非常開心，今次冠軍歌係對我復出嘅一個肯定。」Ken又透露早前因怕鴿子會傳染病菌，所以召漁農處帶走兩隻寓意好運的「自來鴿」，豈料之後再有兩隻「光臨」，Ken表示：「一次就話咁啱，兩次就唔到我唔信，我會留佢哋喺度幾日，睇吓會有咩變化。（有冇試過有『自來女』？）我都想！不過好難講，可能有病！」
此外，同場的鄭融則表示是次上《勁歌》並非為了宣傳新歌，而是支持第一次主持《勁歌》的MC Jin歐陽靖。
採訪：影視組