董敏莉學懂活在當下

電影《Amaya》的演員來自多個不同的國家，包括中國、日本、英國跟立陶宛等，他們主要靠英語溝通，不過高峰時期試過同一個片場出現六種語言！

跨國交流音樂

Monie亦因此跟戲中的立陶宛裔男主角成為好朋友，間中亦會用電郵溝通，她說：「我同套戲個男主角做咗好朋友，佢係一個音樂人，我有時都會send啲歌畀佢聽，希望我哋遲啲可以有音樂上嘅合作。」她近日正忙於跟楊愛瑾排練五月上演的舞台劇《親愛的維多利亞》。

出書分享點滴

最近Monie父親的離世對她打擊很大，令她更明白想做的事要馬上做，不要浪費時間，她說：「真係今日唔知聽日事，可能下年真係會世界末日，所以呢一刻諗到有咩嘢想做就要做。」而一談及父親，她更忍不住流下淚來，原來父親一直反對她加入娛樂圈，但卻抽空支持她的舞台劇，她說：「嗰日爸爸睇完之後就打畀我，佢覺得我做得好好，嗰次係佢第一次睇我嘅演出，對我嚟講意義好大。」爸爸過世後，她便學懂要活在當下，更計劃以散文形式出書，把自己平日的感覺記錄下來，亦希望讀者看後都會有所得着。

服裝：Bread n Butter

髮型：Minnie Cheung＠Hair Corner

場地：三角關係Studio

文：專案組

攝：馬永堅