葉詠詩古典音樂啱胎教
亞洲樂壇備受尊崇的指揮家葉詠詩本月初推出全新專輯《就是古典音樂2》，談及時下父母最流行的「胎教」音樂，葉詠詩指「胎教」音樂不一定要柔和，其新專輯亦是不錯的選擇，她說：「李克勤啱啱生咗第二個，我都未有時間恭喜佢，遲啲send隻新碟畀佢，雖然張學友兩個女都大個，不過一樣適合一家大細聽！」
平時穿套裝的葉詠詩在新專輯封套罕有地穿上T恤亮相，讓大眾感受到古典音樂輕鬆及個人的一面，她更以T恤作比喻：「T恤喺普羅大眾嘅衣櫃裏都會有，古典音樂亦係建基於其實際功能，唔一定係上等人先識欣賞，我哋出呢隻碟，希望大眾可以用最划算嘅價錢買返屋企聽！」
另外，葉詠詩透露七月廿三、廿四日將與組合朱凌凌假香港大會堂演出《電視金曲今晚夜》。