李姿敏打波屎罰跑圈
「港姐」李姿敏與「港男」溫家偉同樣愛好運動，都是不愛刻板生活的人，李姿敏更表示小時因打波屎罰跑圈，過着運動員的辛酸生活。
○九年的香港小姐亞軍李姿敏及○八年香港先生參賽者溫家偉均有共通點，就是愛運動，尤其加入娛樂圈後，更加要多做運動Keep Fit。
體驗運動員辛酸
李姿敏六、七歲就開始打羽毛球，由她一個人喜歡的運動變成全家運動，且曾加入校隊，那時李姿敏日日練波，又要鴨仔跳操體能，最終因太辛苦而退出校隊，不過最近她有機會到深圳跟省代表隊打波，體會更深：「每日七點要起身練體能，打得唔好又要罰跑圈，打波冇冷氣，真正體驗到做運動員嘅辛酸，我細個有諗過做運動員，咁辛苦唔使諗啦。」除了愛打羽毛球，李姿敏在學校時又參加合唱團及彈琴，可謂文武雙全。
積極練好廣東話
溫家偉平日生活無時無刻都運動，籃球、網球、滑雪、高爾夫球樣樣皆能，最難忘是打美式足球撞到頭盔甩又周身瘀，但只要他喜歡，家人定支持：「就好似今次我返香港發展，屋企人都好支持，佢哋都知我好怕寫字樓式刻板生活。」早前溫家偉還參與劇集《Only You只有您》演出，初試演戲滋味，溫家偉覺得甚有難度，並發憤要練好廣東話。
文：影視組