杜麗莎唱出溫情傳遞愛
杜麗莎（Teresa）下月舉行演唱會，着重家庭的Teresa刻意邀請父親和女兒「三代同台」演出，藉以獻給父親的最佳生日禮物，大女TV不但會和Teresa合唱，更會演繹母親小時候的戀愛角色，令演唱會親情滿瀉！
Teresa將於5月16和17日假紅館舉行兩場演唱會，個唱會以音樂劇形式將Teresa的人生以四季演繹出來，舞台設計亦會以Teresa最愛的花朵、蝴蝶及雀鳥設計而成，服裝也會四季分明，Teresa說：「我想將自己做歌手嘅每個生涯用歌唱出嚟，近排香港有太多好灰暗新聞，所以希望將愛嘅訊息帶畀觀眾，家人、朋友同親人嘅愛都好重要。」
母女情濃
在個唱上Teresa還會大晒親情，邀請78歲父親上台打鼓及與三位孫女又唱又跳：「7月4日係我爸爸生日，我想將呢份禮物送畀佢！」大女TV為母擔任形象顧問，搜羅個唱服飾外，她還為Teresa的新歌《我對你的愛》作曲，林敏驄填詞，歌曲講述二人之間的母女情。Teresa說：「TV會喺演唱會扮我初戀時嘅角色，演繹當年我認識老公嘅過程，另一個朋友會扮我前夫，我就唱歌去配合個古仔。」
復出無期
忙完個唱後，Teresa會休息頗長的時間，「復出」無期，原來她自05年回流長駐香港後，港人的急速步伐令Teresa抖不過氣：「呢次休息未知會休幾耐，一步一步諗囉，我好想一個人去巴黎住，我都鼓勵老公搵幾個月做自己喜歡做嘅嘢，希望可以計劃吓。」
文：音樂組