法拉認進駐畢架山

早前法拉被本報拍得多次進出男友薛世恒於九龍塘畢架山的豪宅，「強勢入宮」，被問及此事時，法拉爽快表示一向住在該處：「我一向住喺度。（同居咗一段時間？）私人嘢唔同公眾交代喇，住咗一段時間。（層樓有你個名？）都係私人嘢，唔使講太多！」雖然法拉未有直接承認成為豪宅的「女主人」，但此次高調承認已入住畢架山豪宅一段時間，又勝了「未來妯娌」諸葛梓岐漂亮一仗！

透視戰衣爭獎

此外，有份角逐今屆香港電影金像獎最佳新演員的法拉，透露已選好戰衣：「首飾晚裝都揀好晒，手錶會戴番今日呢隻，係限量版（價值23萬），件晚裝都好透視，要改下先着得。（透視程度接受唔到？）我估冇人會接受到！（男友嗰晚會唔會到場支持？）希望多啲朋友及同事嚟支持我，（預留K房慶功？）哈哈，咁又冇喎！」至於奪獎機會，法拉坦承只有五分一的信心：「之前同小紅姐（惠英紅）開工，佢都話今年新人獎（爭得）好激烈！」　

文：影視組