熊黛林大肚怕面對城城

熊黛林憑《葉問》由天橋走到電影圈，《葉問2》熊黛林繼續扮演葉問妻子，並突破地以大肚Look示人，她坦言一度狂食增肥以配合角色，奈何未能成功，更因沒有懷孕經驗，被幕後人員在片場大罵，她說：「佢哋好嚴肅地話『你知唔知子丹做咗好多功課，如果你行得唔似就破壞晒，你知唔知你行到好似catwalk？』雖然畀人鬧，但我都開心o架，因為學到嘢，人哋係關心我，覺得我可以進步先鬧我，跟住咪返酒店苦練囉，仲觀察有大肚腩嘅男人係點樣行路！」

讚甄子丹細心

片場受氣，熊黛林直言沒有向郭富城訴苦：「我演大肚婆，佢都冇經驗，同佢講好奇怪好尷尬。」但又大讚甄子丹細心，於一場為她按小腿的戲份，更和她分享太太懷孕時的情況，她說：「平時都冇試過有人同我按摩，次次抽筋都係自己一個人，（同男友互按增情趣？）冇呀！」被問到有否信心憑今次演出獲女主角提名，熊黛林說：「唔好咁！呢集嘅目標只要唔佗衰家就得，唔畀自己咁大壓力，可能出嚟嘅結果會更開心呢！」

郭富城	未敢奢望得到「最佳女主角」提名，熊黛林只望不「佗衰家」。

文：影視組