陳豪想成家立室
陳豪、蔡少芬（Ada）等昨日為新劇《飛女正傳》宣傳，適逢陳豪今日生日，同劇演員送上蛋糕為他賀壽。一眾藝員向途人送花及香吻形貼紙，陳豪更送花給清潔女工，氹得對方非常開心；而Ada的魅力亦吸引老外注意。
今日卅九歲的陳豪表示為趕拍《公主嫁到》而沒時間慶祝，記者指他緋聞女友廖碧兒未有工作，陳豪即護着：「係我冇時間，我嘅問題啫，等我得閒先。（收咗愛的禮物未？）冇喎，我等得嘅。」陳豪又稱雖沒被母親催婚，但已有成家立室的念頭。
另外，被傳十月產子的Ada強調未懷孕：「我有調理好身體，但冇特別減工作。不過老公張晉喺瀋陽拍劇，有時間返嚟都會努力。若果有咗，會講畀大家知。」