基仔設計演唱會產品

古巨基日前撈過界在銅鑼灣開潮服店做老闆，適逢Twins今日開騷，身為同門兼好友的基仔親自為他們設計演唱會產品，基仔透露將推出兩款潮Tee、兩款帽、環保袋及文件夾。基仔透露今次概念採用兔仔圖案，他說：「因為演唱會個名叫人人彈起，所以諗到兔仔。」為配合Twins個唱海報，基仔刻意將兔仔的耳朵構思成窩釘形狀，他說：「海報上佢哋啲衫鑲滿窩釘，所以先有咁嘅構思，加上個唱主題係黑同紫，所以兔仔顏色都係呢兩種色，而兔仔個鼻同嘴有個T字。」