張智霖手術治敏感一鼻血

日前Chilam跟好友郭富城打邊爐，並在微博上張貼照片，原來數天後他就要入院動手術。昨日Chilam在網誌中上載一篇以《痛》為題的文章，並透露因為鼻敏感導致鼻骨偏歪，同時引致鼻塞，所以他希望來個痛快解脫！

Blog報平安

目前在醫院留醫的Chilam，在Blog上向fans報平安，他說：「手術需要全身麻醉，所以冇知覺唔知痛唔痛，大致病因係我長期鼻敏感，引致鼻骨偏歪，但表面睇唔出，亦會成日鼻塞，所以要清除入面多餘嘅組織。」完成手術後，因麻醉藥漸散，Chilam才覺痛，他說：「我發現有兩條手指咁長嘅棉塞喺鼻孔，基本上用口呼吸，好痛苦，個鼻一直有血水滲出，麻醉藥又令我迷迷糊糊。不過希望付出咁多忍耐，可以換取一生嘅暢通無阻！」

講嘢都覺痛

記者就此致電Chilam，他說：「多謝大家關心，過兩日出院，冇乜問題，不過個病纏擾咗好耐，所以長痛不如短痛，依家手術後傷口都仲痛，就算講嘢都痛，所以盡量少講嘢。」

文：專案組、影視組