許冠文否認偷食：顧吓良知

昨日香港《壹週刊》指許冠文背住結婚卅多年的太太「偷食」，在西貢公然攬女，遇記者即左閃右避。記者就此事致電許冠文屋企，許冠文太太接聽，許太對老公「偷食」一事笑言：「侮辱咗佢（指許冠文）嘅智慧，佢若果偷食嘅話，會唔會喺西貢咁多人嘅地方拖住第二個呢？只要分析一下都知冇可能，成件事得個講字，只係得一張佢哋坐喺車頭嘅相，就作到咁誇張。」

「假的真不了」回應

許太續說︰「嗰位女士係我哋嘅朋友嚟，係上海一位作家，嗰晚只係盡地主之誼請佢食餐飯。（你係咪講過許冠文呃咗你一世？）我同個記者講，唔好作到咁大，佢（指許冠文）係呃嘅話，都呃咗我一世，根本只係斷章取義。」

而其後許冠文太太應記者要求把電話遞給許冠文，他表示：「我平時好少評論呢啲新聞，但今次太離譜，話我偷食，但係就一張相都冇，完全齋講。搞到我太太實在太過分，我太太只係想引用我Talk show嘅說話嚟回應，佢就只係寫咗一句。我希望傳媒寫嘢搵食之餘，都要諗諗狄娜所講，顧吓良知，總之真的假不了，假的真不了。」

與安心亞不相熟

另外，台灣歌手羅志祥（小豬）將於月尾來港舉行演唱會，正專注綵排的他昨日透過經理人公司發聲明，譴責台灣《壹週刊》一篇涉及小豬與台灣女星安心亞的報道內容失實。據聲明所指，報道內文多處記載與事實不符，當中指安心亞與小豬的關係絕非事實。而經理人公司在該周刊報道前已表示小豬與安心亞不相熟，亦沒有對方手提電話，但周刊仍捏造不實報道，損及小豬的權益，現經理人公司正研究對該周刊採取法律行動。

文：影視組