湯唯流露母性生B隨緣

昨日湯唯身穿Isabel Marant+Helmut Lang的時尚打扮出席開幕酒會，坦言近期很喜愛shopping，可從中在不同地方認識當地文化，自己亦是貪靚之人。其後記者問她與趙薇是否相熟？她說從未與對方合作過：「我未見過佢!（有指佢生咗女？）恭喜佢，女人呢樣嘢（生BB）好重要，係一個轉接嘅時候。（你想唔想生BB？）係女人都想，係天性。」記者笑她至今還未有男友，她表示一切隨緣，說：「就算問我幾時結婚生B，我都係答你哋隨緣，唔係話結就可以結。（諗住生幾多個？）未知，但自己好鍾意小朋友！」

婷婷爆兄放產假

湯唯坦言希望與趙薇合作，大讚對方是真性情女子。有指趙薇產後不久便投入工作拍戲？她說：「可能佢係演員，想工作。（你婚後都想工作？）自己覺得家庭最重要。（婚後息影？）唔知！」而她與張學友主演的電影《月滿軒尼詩》被指票房一般？她直言內地好多朋友說鍾意已經好開心，至於是否想與周潤發影帝人馬合作？她謙虛說：「我想鍛煉吓先！」

品牌高層熱情招呼湯唯。

婷婷期待大嫂下月分娩。

同場的謝婷婷坦言大嫂張栢芝將於下月臨盆，大哥謝霆鋒已請了假陪她，婷婷說：「自己唔使做嘢都會陪佢。唔知佢緊唔緊張，（屋企已準備薑醋？）上個月先知有呢樣嘢，自己冇食過。（送乜畀BB？）邀請佢嚟呢個世界，BB應該會接收哥哥啲衫。（Lucas興奮做哥哥？）他知媽咪肚裏面有BB！」

此外，身懷六甲的張燊悅透露已懷孕五個幾月，體重已增了十多磅，還未肯定BB性別，她想生女，女兒未知做姐姐，預產期九月，選擇順產。

文：名人組