甄子丹飲涼茶降慾火
甄子丹繼成龍和王菲後，成為霸王第三位代言人，以高達二千萬之身價力谷新產品霸王涼茶，子丹笑稱涼茶降火將自己由宇宙回歸地球，飲涼茶更減慾火，和太太汪詩詩長久分隔兩地都冇有怕！
憑電影《葉問》成功樹立正派宗師形象的甄子丹，成為內地廣告界寵兒，吸金力驚人，最近內地大品牌霸王力邀甄子丹繼成龍和王菲後成為最新產品霸王涼茶代言人。向來出手闊綽，谷廣告不遺餘力的霸王，被傳今次出重金邀甄子丹加入，其身價與天后級王菲看齊，同樣高達二千萬，對此記者求證於子丹，他說：「點解你哋知嘅？邊有咁高酬勞呀！吓吓講到咁多，稅局實追死我。」
至於該品牌如何打動甄子丹接拍，他說：「飲涼茶降火嘛，我都係飲咗涼茶先由宇宙返番嚟地球。（係咪降埋慾火同老婆分隔兩地都OK？）咁都畀你諗到！」當年成龍拍攝此品牌廣告，一句「動L」成為熱話，今次甄子丹接棒例必成為另一佳作，新廣告將會食正《葉問2》推出熱潮，於五月初正式面巿。
出力做善事
至今甄子丹代言產品包括衣服、牛仔褲、內褲及洗頭水，目前更有手錶、日用品及汽車廣告傾談之中，問到是否以搵錢至上，甄子丹說：「唔係！我又唔係發錢寒，最想趁自己有能力做多啲善事，最近就做咗紅十字會中國大使。」
文：影視組