郭少芸陰陰痛

由曾志偉、錢嘉樂、江欣燕主持的無綫新節目《超級遊戲獎門人》前晚進行首集錄影，並邀請謝天華、鄭欣宜、郭少芸、蕭正楠、鄧兆尊等擔任嘉賓，期間在「爆波波」及「坐波波」環節，嘉賓要以身體部位壓爆氣球，其中「坐波波」環節，男嘉賓要手持氣球放在大髀與重要部位之間，再由女嘉賓正面撲向將氣球坐爆，狀甚不文，期間各人玩到上氣唔接下氣、面露痛苦表情，當中郭少芸玩完之後掩着下體抱怨：「我要投訴，佢哋隻手擺喺嗰度嘅，到好痛呀！」而欣宜玩到一半就放棄，要由隊友郭少芸頂上，不過郭少芸玩完之後即腳抽筋。

遊戲嘥體力

事後問到郭少芸是否要投訴？她表示：「可能撞到男士啲皮帶，所以下次啲男士唔好用皮帶，今次遊戲好嘥體力！（玩到上下都受傷，會唔會要求賠償？）有買婦女保，不過真係玩到有啲耳鳴，可能因為啲爆波聲。」對於雙手親郭少芸下體一事，蕭正楠、謝天華異口同聲解釋是正確手持氣球姿勢，當中蕭正楠更說：「其實大家都痛。（隻手撞到佢？）隻手都唔知放邊，但係要捉住個波，咁女仔都係好痛嘅。」

蕭正楠同欣宜嘴對嘴傳烏冬。

郭少芸要飛撲埋身坐爆謝天華手上氣球。

呵護世姪女

此外，志偉對「世姪女」欣宜玩遊戲甚為呵護，而她與蕭正楠玩嘴對嘴傳烏冬時，志偉就向蕭正楠表示：「你識唔識肥姐呀！」而在「爆波波」時，志偉又向欣宜表示：「得唔得？唔得可以搵男仔跳！」事後欣宜自認失敗：「呢度我最重，但係爆唔到波。（志偉有冇忠告叫唔好嚟？）冇，反而江欣燕打畀我，叫我帶多套衫、唔使着咁靚。」

文：影視組