樂基兒寸JC典型細路女
早前有指Jessica C.（JC）憑43吋長腿揮低天王嫂樂基兒，搶走她的廣告，前晚兩人同場正面交鋒，樂基兒露黑Bra贏了穿短裙的JC，她暗示自己上岸毋須同人鬥。
前晚樂基兒、JC、胡敏珊、劉偉強等人出席Sony Ericsson XPERIA X10產品發布會，樂基兒穿上3.1 Phillip Lim低胸連身裙，在台上畫畫時，烏身不慎露出黑Bra，反觀憑警鐘胸上位的JC，卻讓賽將警鐘胸收埋，風頭高下立見，對於贏回一仗，樂基兒不以為然，指與JC熟落，故要澄清搶廣告一事，以免引起誤會，她說：「我唔鍾意同人比較，（因為你上岸唔使同人鬥？）就算新人都唔會，好似Jessica C.，佢好單純，好Sweet，係好典型美國細路女，（佢贏咗你個廣告？）之前都有人話過有人搶我啲嘢，我淨係知我唔係最高，腳唔係最長，總之我唔係最矮。」實行宣示天王嫂的地位不會受到威脅。
不棄電腦保私隱
另外，對於以往曾有不少藝人因遺失手機而流失手機內的照片，樂基兒有自己一套保護私隱的方法，就是從不會用手機拍老公黎明，所有照片都會存放在電腦內，且不會將舊電腦棄置，認真高章。
文：名人組