黃秋生張達明了結件事嗌好
吳鎮宇涉傷人案告一段落，他的一班好友都表示事件了結令人放心。黃秋生：「咪好囉！可以了結件事，好小事。（會唔會打畀佢？或者約佢食飯？）唔會啦，聽講佢好忙。（會唔會介紹佢打功夫，發洩吓？）唔使啦！佢咁好打，再學就打死人囉。」
張達明：「我覺得係好事，可以完咗件事，唔使成日心掛掛又要上庭，希望佢嚟睇我套舞台劇《容易受傷的女人》，等佢知道人係好易受傷，萬事都係以和為貴。（會唔會有方法介紹佢修身？）佢修練密宗比我哋勁好多，今次都係教訓嚟，以後會好o架啦！」
邱禮濤：「我都唔清楚佢件案，亦唔識法律嘅嘢，真係唔知點樣回應，平時識嘅吳鎮宇好好人，唔好人都唔會同佢做朋友啦。」