江欣燕針走大面忘形喪食
江欣燕（欣欣）早前被指「大面」，令她極之不快，貪靚的她早前大膽嘗試打Botox，將肥肉「針」走，效果不俗，令欣欣可以繼續其「大食」生活，不用受節食減肥之苦！
江欣燕早前演出時被取笑「大面」而極之不悅，但她又不想為瘦面而狂減肥致Body太瘦，欣欣一度為此懊惱。不過，欣欣擁有女人可為靚而變得大膽的態度，最近跑去「試針」打Botox，將面上兩邊腮骨位之肥肉「針」走，令她重拾自信。
過程如挑黑頭
欣欣最近為「悅榕莊」擔任瘦身代言人，身形得到改善後，便開始瘦面，她以身試法去接受聽落令人驚恐的打Botox針瘦面療程，完事後欣欣即急急向貪靚人士公開其經歷，就如「挑黑頭」般簡單。她說：「只係五分鍾就針完，效果係要一個多月先見效，Keep到半年，面瘦咗，又唔使節食，可以盡情食我最鍾意嘅牛扒，我覺得呢啲先係生活享受，可以用科技幫手，好開心。」
唔會表情僵硬
坊間流傳打Botox針後會令表情僵硬，故令不少想瘦面之人卻步，但欣欣就表示：「只要唔貪心就得，幫我針嗰位美容師好好手勢，我做演員好多表情都冇問題，（有冇驚過？）起初我有啲驚，唔太鍾意人工化美容，但今次試完，覺得原來好簡單一回事，人要進步嘅，早排我出席活動見到舊同事，佢哋讚我塊面瘦咗，不知幾開心！」
文：影視組