彭冠期接戲練演技
彭冠期主演的《安非他命》被選為今屆國際電影節的閉幕電影，前晚他偕白梓軒、梁敏儀及導演雲翔出席首映。彭冠期表示當晚邀請了不少TVB台前幕後的朋友出席，但卻未有邀請曾跟他傳緋聞的林保怡。他謂：「知佢呢排忙拍劇，加上自己又成日周圍走，已有段時間冇聯絡。（佢撞親個頭？）都係睇報紙先知，未得閒打畀佢。」
對於戲中雞姦部分被刪去，彭冠期坦言感到可惜：「場戲我好畀心機去做，拍攝當日咁啱我爸爸喺內地中風，我拍完之後成個人崩潰咗狂喊。」彭冠期又指現時接拍電影均以劇本為主，他稱不會接拍只賣弄色情的電影：「曾經有電影公司搵過我拍色情片，但係我都推咗。（賺少好多？）雖然依家片酬未到自己講，但係對我嚟講錢唔係重點，最重要係可以令我演技更上一層樓！」